جرمنی میں مستقل رہائش یا پی آر حاصل کرنےکی مکمل گائیڈ

جرمنی میں رہائش پذیر ہر غیر ملکی کا سب سے بڑا مقصد سیٹلمنٹ پرمٹ حاصل کرنا ہوتا ہے جسے جرمن زبان میں نیڈرلاسنگ ایرلابنس کہا جاتا ہے۔ یہ وہ پرمٹ ہے جس کی کوئی میعاد ختم نہیں ہوتی۔ عام رہائشی ویزا یا ریزیڈنس پرمٹ کے برعکس پی آر ملنے کے بعد آپ کو بار بار دفتروں کے چکر نہیں لگانے پڑتے اور آپ اپنی مرضی سے کوئی بھی کام کر سکتے ہیں یا اپنا کاروبار شروع کر سکتے ہیں۔

تاہم 2025 میں پی آر حاصل کرنے کے قوانین تھوڑے تبدیل ہوئے ہیں اور اب یہ اس بات پر منحصر ہے کہ آپ کس ویزا کیٹیگری میں جرمنی آئے تھے۔ یہاں ہم آپ کو سرکاری فیڈرل آفس برائے مائیگریشن کے قوانین کے مطابق تمام تفصیلات بتا رہے ہیں۔

مختلف لوگوں کے لیے پی آر کا دورانیہ

جرمنی میں پی آر حاصل کرنے کا وقت ہر انسان کے لیے مختلف ہو سکتا ہے۔

عام لوگوں کے لیے پانچ سال کا قانون اگر آپ کسی خاص ہنر مند کیٹیگری یا بلیو کارڈ کے بغیر جرمنی میں رہ رہے ہیں تو آپ کو عام طور پر پانچ سال انتظار کرنا ہوگا۔ اس کے لیے ضروری ہے کہ آپ نے پنشن انشورنس میں 60 ماہ تک قسطیں جمع کروائی ہوں۔ اس کے علاوہ آپ کو جرمن زبان کا بی ون لیول پاس کرنا ہوگا اور لائف ان جرمنی نامی ٹیسٹ بھی پاس کرنا ضروری ہے۔

ہنر مند افراد کے لیے تین سال کا قانون نئے اسکلڈ امیگریشن ایکٹ کے تحت وہ لوگ جن کے پاس تسلیم شدہ ڈگری یا ڈپلومہ ہے اور وہ بطور کوالیفائیڈ پروفیشنل کام کر رہے ہیں اب تین سال بعد پی آر اپلائی کر سکتے ہیں۔ پہلے یہ مدت چار سال تھی لیکن اب کم کر دی گئی ہے۔ اس کے لیے آپ کو 36 ماہ کی پنشن اور بی ون زبان کا سرٹیفکیٹ درکار ہوگا۔

بلیو کارڈ ہولڈرز کے لیے تیز ترین راستہ اگر آپ کے پاس ای یو بلیو کارڈ ہے تو آپ سب سے جلدی پی آر حاصل کر سکتے ہیں۔ اگر آپ کی جرمن زبان کمزور ہے اور صرف اے ون لیول ہے تو آپ 27 ماہ بعد درخواست دے سکتے ہیں۔ لیکن اگر آپ بی ون لیول کی جرمن بول سکتے ہیں تو صرف 21 ماہ بعد ہی آپ کو بلیو کارڈ پی آر مل سکتا ہے۔

جرمن یونیورسٹی کے فارغ التحصیل طلبا جرمنی اپنی یونیورسٹیوں سے پڑھنے والوں کو خاص رعایت دیتا ہے۔ اگر آپ نے جرمنی سے ڈگری مکمل کی ہے تو آپ جاب شروع کرنے کے صرف دو سال بعد پی آر کے اہل ہو جاتے ہیں اور آپ کو صرف 24 ماہ کی پنشن دکھانی ہوتی ہے۔

کاروباری افراد جو لوگ اپنا کاروبار کر رہے ہیں وہ تین سال بعد درخواست دے سکتے ہیں بشرطیکہ ان کا کاروبار منافع بخش ہو اور وہ اپنے خاندان کا خرچ اٹھا سکیں۔

مزید پڑھئے 

• سویڈن نے فیملی ریذیڈنٹ کارڈز کے انتظار کا وقت 50 فیصد کم کر دیا
• آئرلینڈ امیگریشن نیوز: 2025 میں ورک پرمٹ کی تنخواہوں میں اضافہ اور نئے قوانین
• سویڈن ورک پرمٹ تنخواہ کی شرط 2025-2026: مکمل تفصیلات
• 2026 کے لیے اٹلی کی نئی امیگریشن: 150,000 ورک ویزا کا اعلان
• جرمنی ویزا کا نیا طریقہ کار اور پاکستان سے درخواست دہندگان کے لیے تبدیلیاں

پی آر اپلائی کرنے کے لیے اہم شرائط

چاہے آپ کسی بھی کیٹیگری میں ہوں تین بنیادی چیزیں پوری ہونا بہت ضروری ہیں۔

رہائش اور گھر کا سائز آپ کو ثابت کرنا ہوگا کہ آپ کے پاس رہنے کے لیے مناسب جگہ موجود ہے۔ امیگریشن آفس کے رہائشی قوانین کے مطابق عام طور پر ہر بالغ فرد کے لیے 12 مربع میٹر اور چھ سال سے کم عمر بچے کے لیے 10 مربع میٹر جگہ ہونا ضروری ہے۔ مثال کے طور پر اگر آپ میاں بیوی اور ایک بچہ ہیں تو آپ کا گھر کم از کم 36 مربع میٹر کا ہونا چاہیے۔ اس کے لیے آپ کو کرائے کا ایگریمنٹ دکھانا ہوگا۔

آمدنی اور مالی تحفظ پی آر کے لیے تنخواہ کی کوئی فکس لمٹ نہیں ہے لیکن آپ کی آمدنی اتنی ہونی چاہیے کہ آپ کا گزر بسر آسانی سے ہو سکے اور آپ کو حکومت سے مدد نہ مانگنی پڑے۔ یاد رکھیں کہ آپ کی نوکری پکی ہونی چاہیے اور آپ پروبیشن پیریڈ پر نہ ہوں۔

پنشن کا ریکارڈ یہ سب سے اہم دستاویز ہے۔ آپ کو جرمن پنشن انشورنس کے دفتر سے رابطہ کر کے اپنا انشورنس ہسٹری کا لیٹر حاصل کرنا ہوگا جس پر لکھا ہو کہ آپ نے کتنے مہینے قسطیں جمع کروائی ہیں۔

درخواست دینے کا طریقہ اور فیس

آپ کو اپنے شہر کے غیر ملکیوں کے دفتر یعنی اوس لینڈر بی ہورڈے میں درخواست دینی ہوگی۔ آپ اپنے قریبی دفتر کا پتہ بامف نیوی ٹول کے ذریعے تلاش کر سکتے ہیں۔ برلن اور میونخ جیسے بڑے شہروں میں اب آن لائن سروس بھی موجود ہے۔

فیس کے حوالے سے بات کی جائے تو عام طور پر اس کی فیس 113 یورو ہے جبکہ کاروباری افراد کے لیے 124 یورو ہے۔ یہ فیس عام طور پر اپوائنٹمنٹ کے دن کارڈ کے ذریعے ادا کی جاتی ہے۔ پرنٹ ہونے کے بعد آپ کا کارڈ فیڈرل پرنٹنگ آفس سے بن کر آتا ہے جس میں کچھ ہفتے لگ سکتے ہیں

اکثر پوچھے جانے والے سوالات